Akve mi baptos vin

Liturgia Dramkanto por Baptisma Bapta Diservo

Verkis ( Esperante) : ROS' Haruo, 1997

Fonto : RH ( > Ad 102)

P = Pastranto, baptisto B = Baptato K = Kongregacio, kunatestantoj

P
Akve mi baptos vin laŭ la moro,
kiel Jesuon baptis Johan':
Signo de pento, kredodeklaro,
nasko-sigelo de la Kristan'.

K
Se la baptato estas ina...

Venu, kolombo, Dia Spirito,
brilu la akvo, tuŝu vi ĝin!
Ni el ĉielo aŭdu la voĉon:
"Jen mi vin amas, mia filin'!"
     
Se la baptato estas malina/maskla...

Venu, kolombo, Dia Spirito,
tuŝu la akvon per via bril'!
Ni el ĉielo aŭdu la voĉon:
"Jen mi vin amas, ho mia fil'!"
Mi bonvenigas proponojn por kazoj, kiam la baptato estas
 nek ina
 nek malina (aŭ ambaŭ ina kaj malina).
P
Ĉu vi deziras sekvi Jesuon,
Vivi laŭeble laŭ lia vort',
Ami la homojn, porti la krucon,
Morti, kaj vivi spite al mort'?

B
Jes, mi deziras sekvi Jesuon,
klare lin montri en mia mond',
enpraktikigi lian instruon,
jesi lin per tut-viva respond'.

P
Do en la nomo de nia Patro
Dume Pastranto
baptas Baptaton.	 
kaj en la nomo de la Diid',
kaj nome de l' Spirito plej Sankta,
mi nun vin baptas laŭ Dia gvid'.

K
Ni vian bapton ĝoje atestas;
Gloras ni Dion, unu en tri;
Vian fratiĝon gaje ni festas:
Vin bonvenigas la eklezi'!